Robet C. Dejon | March 30, 2022
Nawili sa mga bihag ang usa sa mga tigpasiugda og tigbakayan busa wala na kini makadagan human gironda sa kapulisan ang gipatigayon nga tigbakay mga alas 4 sa hapon Marso 6 didto sa Sitio Caningag, Brgy. Masab, Matag-ob, Leyte.
Giila ni Matag-ob Chief-of-Police (COP) Police Capt. Alexander Alfonso ang nadakpan nga si Arthur Reroma y Baay, 38 anyos, minyo, mag-uuma og residente sa Brgy. Riverside sa maong lungsod.
Matod pa ni Capt. Alfonso, nagpahigayon sila og paglibot sa lungosd isip tipik sa ilang monitoring sa kahimtang sa kalinaw dihang nakadungog sila’g sininggitay nga klaro kaayong nagmasyada sa pustahan nga manok.
Mihinay-hinay sila pagpaduol sa maong lugar dayon ronda apan paspas nga nakadagan palayo ang uban og nahabilin sa sakop sa roydahan si Reroma nga wala na makalihok og misangpot sa iyang pagkasikop.
Nakuha gikan sa tigbakayan ang usa ka banugon nga bihag nga gibana-banang mokantidad og P1500.00, usa ka samaran nga puwa nga manok nga mokantidad pod og P1500.00, usa ka sakuban og mga tari nga mokantidad og P1000.00 og kwarta balor P260 sa nagkadaiyang denominasyon.
Kasong paglapas sa Presidential Decree 449 ang giandam na sa kapulisan batok sa nasikop nga kasamtangang nagtingkagol sa Matag-ob Municipal Police Station.
Comments