Robert C. Dejon | March 20, 2022
Napamatud-an nga nakalapas sa balaod ang empleyado sa kagamhanang lokal sa Matag-ob, Leyte nga nasikop sa kapulisan niadtong Enero 26 ning tuiga.
Sa desisyon nga gipakanaog ni Hon. Maria Corazon Vergara-Naraja, Presiding Judge sa RTC Branch 47 sa Dakbayan sa Ormoc nga pinitsahan og Pebrero 24, 2022, napamatud-an nga si Ruel Avila ‘guilty beyond reasonable doubt’ sa paglapas sa Sec. 1 (a) (I) sa Presidential Decree 1602.
Kahinumdoman nga niadtong Enero 26 ning tuiga, nadakpan sa kwerpo sa Matag-ob Municipal Police Station si Avila tungod sa pagdumala niya sa illegal nga sugal sa swertres sa maong lungsod. Si Avila nangangkon usab nga empleyado siya sa LGU-Matag-ob ilawom sa opisina sa bise mayor. Siya adunay legal nga outlet sa swertres apan mi-sideline kini pagpamaligya og illegal nga numero hinungdan nga siya gidakop.
Lakip sa gipakanaog nga desisyon ni Judge Naraja ang nagkanayon “the items recovered from accused, except the motorcycle confiscated during his arrest, are ordered forfeited in favor of the government.”
Comments