Ronnie C. Roa | August 7, 2022
Tanggong sa karsel ang usa ka hubog nga armado og sundang nga nakiglalis og senior citizen didto sa Sitio Sabang, Poblacion, Albuera, Leyte niadtong Hulyo 29.
Basi sa datos nga nahagpat gikan sa Albuera Municipal Police Station, dali silang miresponde human makadawat og tawag gikan sa usa ka ginang (bansagon gitago) nga adunay hubog nga armado og sundang nga nakiglalis sa iyang amahan nga usa ka senior citizen.
Naabtan gayud sa mga otoridad ang hubog nga giila nga si Ageo Cabulong Danieles, 42 anyos, ulitawo, og residente sa maong lugar. Dali nga gisikop sa kapulisan ang hubog og gikompiska ang 23-pulgadas nga sundang.
Mag-atubang og kasong paglapas sa Batas Pambansa (BP) Blg. 6 ang hubog tungod sa pagbitbit og deadly bladed weapon.
Comments