BRGY KAPITAN ARESTADO SA PAMALIGYAG SHABU

Ronnie C. Roa | August 7, 2022

Arestado ang usa ka barangay kapitan sa gipahigayong anti-illegal drugs operation nga gilunsad sa nagkahiusang pwersa sa Philippine Drug Enforcement Agency (PDEA-8), Eastern Samar Police Provincial Office (ESPPO) og sa Sulat Municipal Police Station didto sa Brgy. Maglipay, Sulat, Eastern Samar niadtong Hulyo 27.

Ang suspek giila nga si Mariovic Jaradal, alyas Toktok, punong barangay sa Brgy. Potong, San Julian, Eastern Samar. Siya nahilakip sa listahan sa mga high-valued target (HVT) sa kapulisan.

Nakuha gikan sa suspetsado ang lima (5) ka mga pakete sa gidudahang shabu nga gibana-banang mokabat ngadto sa P19, 303.00.

Kasong paglapas sa Comprehensive Dangerous Drugs Act of 2002 (RA9165) ang atubangon sa kapitan nga anaa kasamtangang nakadetiner sa lockup facility sa Sulat MPS.